राष्ट्रवादीची उमेदवारी विलास लांडे कि डॉ. अमोल कोल्हे यांना सस्पेन्स कायम!

या मेळाव्यात सर्वांत शेवटी कोल्हे यांना भाषण करण्याची संधी देण्यात आली.  त्यामुळे त्यांच्या उमेदवारीचे पक्षाने संकेत दिली असल्याची जोरदार चर्चा राष्ट्रवादीच्या कार्यकर्त्यांमध्ये रंगली आहे. डॉ. कोल्हे हे देखील विद्यमान खासदार आणि केंद्र सरकारवर जोरदार हल्लाबोल करत आहेत. त्यामुळे कोल्हे हेच राष्ट्रवादीचे उमेदवार असणार यावर जवळपास शिक्कामोर्तब झाल्याची चर्चा आहे.

भोसरीचे माजी आमदार विलास लांडे देखील लोकसभेसाठी तीव्र इच्छूक आहेत. त्यांनी दोन महिन्यांपासून लोकसभा निवडणुकीची जोरदार तयारी सुरु केली होती. मतदार संघात दौरे सुरु केले होते. नव्या-जुन्या कार्यकर्त्यांच्या गाठी भेटी घेण्यावर भर दिला होता. भोसरीतील काल झालेल्या मेळाव्यात देखील त्यांच्या कार्यकर्त्यांनी घोषणबाजी करत लांडे यांनाच उमेदवारी देण्याची मागणी केली.

परंतु, या उत्साही कार्यकर्त्यांना माजी उपमुख्यमंत्री अजित पवार यांनी खडेबोल सुनावले. आता बेंबिच्या देठापासून घोषणा देतात, 2009 च्या लोकसभा निवडणुकीला कुठे गेला होतात? असा सवाल करत घोषणा देऊ नका नाहीतर तिकीटच कापतो असे दम भरला होता असे सांगत 2009 ला उमेदवारी दिली होती. याची आठवण करुन दिली. शिरुर मतदार संघाचा पवार साहेब आढावा घेत आहे. तेच उमेदवार ठरविणार आहेत.  तुमचा सांगावा पवार साहेबांना सांगतो, असेही ते म्हणाले.