राष्ट्रसंत आनंदऋषिजी स्मृती दिनानिमित्त ‘जय आनंद पदयात्रा’

पिंपरी-चिंचवड। राष्ट्रसंत आचार्य सम्राट आनंदऋषिजी यांच्या 25 व्या स्मृती दिनानिमित्त काढण्यात येणार्‍या जय आनंद पदयात्रेला सोमवारपासून सुरुवात झाली. चिंचवडगावातील जैन स्थानकापासून वर्धमान स्थानकवासीय श्रावक संघाचे संघपती माणिकचंद लुणावत यांच्या हस्ते जैन ध्वज दाखवून सकाळी पदयात्रेला सुरुवात झाली. यावेळी अशोख पगारिया, पोपट धोका, कांतीलाल कुमट आदी उपस्थित होते.

105 जणांचा पदयात्रेत सहभाग
राष्ट्रसंत आचार्य सम्राट आनंदऋषिजी यांच्या 25 व्या स्मृती दिनानिमित्त जय आनंद पदयात्रा काढण्यात आली आहे. 105 जण या पदयात्रेत सहभागी झाले आहेत. चिंचवडगावातील जैन स्थानकापासून निघालेली ही पदयात्रा अहमदनगर येथील आनंदधाम येथे पोहोचणार आहे. शरद लुणावत, गणेश धोका, संदीप कांकरिया, शरद बलदोटा, विलास मुथा, सुभाष सुराणा यांनी पदयात्रेचे संयोजन केले आहे.