राहुल गांधींच्या मेहनतीला यश-सोनिया गांधी

नवी दिल्ली- काँग्रेस पक्षाचे अध्यक्ष पद स्वीकारल्यानंतर वर्षभरात राहुल गांधींनी पक्षाला नवी उभारी देण्यासाठी अपार मेहनत केली. राहुल गांधीच्या या मेहनतीला यश आले आहे हे पाच राज्यातील निवडणुकीच्या निकालावरून दिसते असे काँग्रेस नेत्या सोनिया गांधी यांनी सांगितले आहे. सोनिया गांधी यांनी राहुल गांधी यांचे कौतुक केले आहे.

छत्तीसगढमध्ये काँग्रेसला ९० पैकी ५४ जागांवर आघाडी मिळाली आहे. तर मध्यप्रदेशात २३० जागांपैकी ११२ जागांवर काँग्रेसने आघाडी घेतली आहे. राजस्थानातील १९९ जागांपैकी १०३ जागांवर काँग्रेसने आघाडी घेतली आहे.

पाच राज्यांच्या निवडणुकांचे निकाल हे मोदी सरकारसाठी धक्कादायक आहेत. अजून संपूर्ण निकाल लागायचे आहेत. तरीही जे कल आणि आघाड्या हाती येत आहेत त्यावरून काँग्रेसने बाजी मारलेली दिसते आहे. अशात आता राहुल गांधी यांनी पक्षासाठी अपार मेहनत घेतली आणि म्हणून काँग्रेसला हे यश मिळाले असे म्हणत सोनिया गांधी यांनी त्यांचे कौतुक केले आहे.