रिक्षा चालकाला टोळक्याची मारहाण

चिंचवड : पूर्व वैमनस्यातून रिक्षा चालकाला आठजणांच्या टोळक्याने सिमेंटच्या गट्टूने मारहाण करत जीवे मारण्याची धमकी दिली. ही घटना चिंचवड येथील अहिंसा चौकात गुरूवारी घडली. दिनेश स. कांबळे (वय 40, रा. चिंचवड) यांनी फिर्याद दिली आहे. त्यानुसार शंकर सु. बनसोडे याच्यासह आठजणांवर गुन्हा दाखल करण्यात आला आहे. पोलिसांनी दिलेल्या माहितीनुसार, फिर्यादी व आरोपी यांच्यामध्ये पुर्ववैमनस्य आहे. यातूनच गुरूवारी सायंकाळी पाच वाजता आरोपी बनसोडे व त्याच्या साथीदारांनी कांबळे यांना हाताने मारहाण करत सिमेंटचा गट्टू मारला. जीवे मारण्याची धमकी दिली. चिंचवड पोलीस तपास करत आहेत.