वरिष्ठ अधिकारी गुडेवार यांना विधानसभेच्या न्यायासनात समज

मुंबई:- अमरावतीचे आमदार सुनील देशमुख यांना विश्वासात व घेता पंतप्रधान आवास योजनेतील घरकुल वाटपाची यादी तयार केली असा ठपका ठेवत लोकप्रतिनिधीचा व सभागृहाचा अवमान झाल्याबद्दल चंद्रकांत गुडेवार यांना विधानसभेत न्यायासनासमोर समज देण्यात आली. आमदार सुनील देशमुख यांनी गुडेवार यांच्याविरोधात हक्कभंग मांडला होता.  गुडेवार यांना समज देण्यासाठी गुडेवार यांना सभागृहात तयार करण्यात आलेल्या कोठडीत उभे करण्यात आले. यावेळी संपुर्ण सभागृह हे न्यायालयाच्या भूमिकेत होते. यावेळी चंद्रकांत गुडेवार यांना सभागृहाच्या कोठडीत बोलावून समज देण्यात आली .

चंद्रकांत गुडेवार हे प्रशासनातील प्रसिद्ध अधिकारी आहेत. गुडेवार यांनी आतापर्यंत ज्या ज्या ठिकाणी काम केलेले आहे त्या सर्व ठिकाणी सामान्य नागरिकांनी डोक्यावर घेतलेले होते. या मध्ये अकोला जिल्हा परिषदेचे मुख्य कार्यकारी अधिकारी असतांना जिल्ह्यातील लोकांनी डोक्यावर घेतले असले तरी जिल्हा परिषद सदस्यांनी अविश्वास ठराव मंजूर करून शासनाकडे परत पाठविले होते. त्या नंतर सोलापूर महापालिका आयुक्त म्हणून काम करत असताना लोकप्रतिनिधी आणि गुडेवार यांची कायम चकमक होत होती. चंद्रकांत गुडेवार यांची बदली करण्यात आली होती. गुडेवार यांच्या बदली नंतर सोलापुरात जन आंदोलन उभारण्यात आले होते आणि शासनाला गुडेवार यांची बदली रद्द करावी लागेल. त्यानंतर मात्र गुडेवार यांना साईड पोस्ट ला टाकण्यात आले आहे. गुडेवार यांनी अमरावती येथे महापालिका आयुक्त असतांना सुनील देशमुख आणि गुडेवार यांच्यात अधिकारावरून झालेला वाद टोकाला गेला होता.