वांगी, फ्लॉवर, टोमॅटो, मटार, मिरची स्वस्त

पुणे । गुलटेकडी मार्केट यार्डात फळभाजी विभागात राज्यासह परराज्यातून मोठ्या प्रमाणात आवक वाढल्याने टोमॅटो, ढोबळी मिरची, हिरवी मिरची, फ्लॉवर, वांगी आणि मटारच्या दरात घट झाली आहे. तर कांद्याची आवक घटल्यामुळे दरात वाढ झाली आहे. तर इतर फळभाज्यांचे दर स्थिर असल्याची माहिती व्यापारी विलास भुजबळ यांनी दिली.

श्री छत्रपती शिवाजी मार्केट यार्डात रविवारी सुमारे 200 ट्रक शेतमालाची आवक झाली. परराज्यातून कर्नाटक आणि गुजरात येथून सहा ते सात ट्रक कोबी, आंध्र प्रदेश, कर्नाटक आणि तामिळनाडू येथून 18 ते 20 टेम्पो हिरवी मिरची, आंध्रप्रदेश आणि तामिळनाडू येथून 3 ते 4 टेम्पो शेवगा, राजस्थान येथून 5 ते 6 ट्रक गाजर, बेंगलोर येथून चार टेम्पो आले, मध्यप्रदेश आणि पंजाब प्रदेश येथून 9 ते 10 ट्रक मटार, मध्यप्रदेश आणि गुजरात मधून लसणाची अडीच ते तीन हजार गोणी इतकी आवक झाली. आग्रा, इंदौर, गुजरात आणि स्थानिक भागातून मिळून बटाट्याची 70ते 75 ट्रक इतकी आवक झाली. स्थानिक भागातून सातारी आले 1400 ते 1500, टॉमेटोची साडे पाच ते सहा हजार पेटी, हिरवी मिरचीची 3 ते 4 टेम्पो, फ्लॉवरची 20 ते 22 टेम्पो, कोबीची 15 ते 16 टेम्पो, ढोबळी मिरचीची 8 ते 10 टेम्पो, भुईंमुंग शेंगची 25 ते 30 पोती, तांबडा भोपळाची 8 ते 10 टेम्पो, गवारची 7 ते 8 टेम्पो, भेंडीची 10 ते 12 टेम्पो, कांद्याची 40 ते 45 ट्रक आवक झाली.

फळभाज्यांचे भाव
कांदा : 300 – 400, बटाटा : 60-80, लसूण :250-450, आले : 180-240, भेंडी : 250-300, गवार : गावरान व सुरती 300-400, टोमॅटो : 250-350, दोडका : 250-350, हिरवी मिरची : 150-250, दुधी भोपळा : 80-120, चवळी : 200-250, काकडी : 80-120, कारली : हिरवी 250-280, पांढरी : 180-200, पापडी : 300-350, पडवळ : 280-300, फ्लॉवर : 60-100, कोबी : 160-220, वांगी : 200-300, डिंगरी : 200-250, नवलकोल : 100-140, ढोबळी मिरची :250-300, तोंडली : कळी 250-280, जाड : 100-120, शेवगा : 800-900, गाजर : 250-350, वालवर : 300-350, बीट : 200-300, घेवडा : 350-450, कोहळा : 100-150, आर्वी : 200-250, घोसावळे : 150-200, ढेमसे : 250-350, पावटा : 350-500, भुईमुग शेंग : 350, मटार : 500-550, तांबडा भोपळा : 80-120, सुरण :280-320, मका कणीस : 60-80, नारळ (शेकडा) :
1000-1600.

मासळीचे दर तेजीत; अंड्यांना विक्रमी दर
मार्गशीर्ष महिना सुरू झाला असून त्याचा अद्याप मागणीवर काही परिणाम झाला नसुन देशाच्या पुर्व आणि पश्‍चिम किनारपट्टीवरून मासळीची आवक चांगली होत असून ग्राहकांकडून मागणी कायम असल्याने मासळीला तेजीतील दर कायम असल्याची माहिती व्यापारी ठाकूर परदेशी यांनी दिली. दरम्यान, थंडीचा जोर वाढू लागल्याने गावरान तसेच इंग्लिश अंड्याला मागणी वाढू लागली आहे. आवकच्या तुलनेत मागणी जास्त असल्याने गावरान अंड्याच्या दरात शेकड्यामागे 180 रुपये तर इंग्लिश अंड्याच्या दरात शेकड्यामागे 67 रुपयांनी वाढ झाल्याची माहिती व्यापार्‍यांनी दिली. गणेश पेठेतील घाऊक बाजारात खोल समुद्रातील मासळीची सुमारे 10 ते 12 टन, खाडीच्या मासळीची सुमारे 200-300 किलो आणि नदीतील मासळीची सुमारे 500 ते 600 किलो इतकी आवक झाली. तर, आंध्रप्रदेशातील रहु, कतला, सीलन या मासळींची सुमारे 10 ते 12 टन आवक झाली असल्याची माहिती मासळीचे व्यापारी ठाकूर परदेशी यांनी दिली.

कलिंगड, खरबूज, पेरू स्वस्त
वाढत्या थंडी मुळे फळांना मागणी घटली असुन आवकच्या तुलनेत मागणी घटल्याने कलिंगड, खरबूज, बोरे आणि पेरूच्या दरात घट झाली आहे. मात्र, इतर फळांची आवक-जावक कायम असून दर स्थिर असल्याची माहिती व्यापार्यांनी दिली. रविवारी येथील फळबाजारात अननस 7 ट्रक, मोसंबी 80 टन, संत्री 5 टन, डाळिंब 70 ते 80 टन, पपई 15 ते 20 टेम्पोे, लिंबाची 7 ते 8 हजार गोणी, चिक्कू 2 हजार बॉक्स, पेरु पंधराशे ते अठराशे क्रेटस्, कलिंगड 20 ते 25 टेम्पो, खरबुज 10 ते 15 टेम्पो, सफरचंद 12 ते 14 हजार पेटी, बोरे अडीच ते पावणे चार हजार गोणी, सिताफळ 4 ते 4.5 टन इतकी आवक झाल्याचे व्यापार्‍यांनी सांगितले.

फळांचे दर पुढीलप्रमाणे
लिंबे (प्रति गोणी) : 50-150, अननस (डझन) : 70-270, मोसंबी : (3 डझन) : 200-300, (4 डझन ) : 120-180, संत्रा : (3 डझन) 140-240, (4 डझन) : 80-140, डाळिंब (प्रति किलोस) : भगवा : 35-110, गणेश 05-25, आरक्ता 15-35. कलिंगड : 5-10, खरबुज : 10-30, पपई : 5-20, चिक्कू : 100-500, पेरू (20 किलो) : 200-400, सीताफळ : 20-125. सफरचंद : सिमला (25 किलो) : 1100-1500, काश्मीर डेलीशियस (15 किलो) 700-1300, किन्नोर : (25 किलो) 1400-2200, अमेरिकन डेलीशियस : (15 किलो) 1000-1200, महाराजा ( 15 किलो) : 400-700. बोरे : चेकनट (10 किलो) 500-570, चण्यामण्या : 250-300, चमेली : 120-140, उमराण : 70-80, द्राक्षे : तासगणेश (10 किलो) 700-900, स्ट्रॉबेरी 250-400.

पालेभाज्यांचे शेकडा भाव
कोथिंबीर : 400-700, मेथी : 500-700, शेपू : 800-1000, कांदापात : 800-1200, चाकवत : 500-600, करडई : 500-600, पुदिना : 400-500, अंबाडी :600-800, मुळे : 1000-1200, राजगिरा : 700-800, चुका : 500-800, चवळई : 800-1000, पालक : 700-800, हरभरा गड्डी : 800-1000.

मासळीचे दर पुढीलप्रमाणे (प्रतिकिलो)
पापलेट : कापरी : 1400, मोठे : 1400, मध्यम : 800, लहान : 600, भिला : 360, हलवा : 480, सुरमई : 400-480, रावस लहान : 400-480, मोठा : 550, घोळ : 480, करली : 240, करंदी ( सोललेली ) : 200, भिंग : 200, पाला : 400-1400, वाम : 160-360, ओले बोंबील : 100. कोळंबी : लहान : 240, मोठी : 480, जंबोप्रॉन्स : 1450, किंगप्रॉन्स : 800, लॉबस्टर : 1500, मोरी : 200-280, मांदेली : 100, राणीमासा : 160, खेकडे : 200, चिंबोर्या : 360-480. खाडीची मासळी : सौंदाळे : 240, खापी : 160, नगली : 400, तांबोशी : 320, पालू : 200, लेपा : 160, शेवटे : 240, बांगडा : 120-160, पेडवी : 60, बेळुंजी : 100, तिसर्या : 160, खुबे : 140, तारली : 100. नदीची मासळी : रहू : 160, कतला : 180, मरळ : 360, शिवडा : 120, चिलापी : 60, मांगूर : 120, खवली : 140, आम्ळी : 60, खेकडे : 120, वाम : 440. मटण : बोकडाचे : 440, बोल्हाईचे : 440, खिमा : 440, कलेजी : 480. चिकन : चिकन : 130, लेगपीस : 160, जिवंत कोंबडी : 100, बोनलेस : 240. अंडी : गावरान : शेकडा : 900, डझन : 120 प्रति नग : 10. इंग्लिश : शेकडा : 585 डझन : 78 प्रतिनग : 6.5.

फुलांची आवक वाढली, मागणी कायम
मार्गशीर्ष महिन्याला गुरवार पासुन सुरवात होत असल्याने मार्केटयार्डातील फुलबाजारात बाजारात फुलांची आवक वाढली आहे. तसेच लग्नसराईमुळे फुलांना मागणी होत आहे. मागणीच्या तुलनेत आवक कायम असून दर स्थिर असल्याची माहिती व्यापारी सागर भोसले यांनी दिली. दरम्यान, लग्नसराईमुळे जर्बेरा, कार्नेशियन, गुलाब आदी सजावटीच्या फुलांना तर मार्गशीर्ष महिन्यामुळे झेंडू, गुलछडीला चांगली मागणी आहे.

फुलांचे दर
झेंडू : 10-40, गुलछडी : 40-80, बिजली : 30-80, कापरी : 10-30, शेवंती : 20-60, ऑस्टर : 8-16, गुलाबगड्डी : 10-20, ग्लॅडिएटर :10-20, गुलछडी काडी : 10-60, डच गुलाब (20 नग) : 60-120, लिलिबंडल : 5-7, जर्बेरा: 20-40, कार्नेशियन : 100-180, अबोली लड : 150-200.

कोथिंबीर महाग
गेल्या आठवड्याच्या तुलनेत आवक घटल्याने कोथिंबीरीच्या दरात वाढ झाली. तर, इतर पालेभाज्याचे दर स्थिर असल्याची माहिती व्यापार्यांनी दिली. रविवारी मार्केट यार्डातील तरकारी विभागात कोथिंबिरीची 1 लाख 75 हजार तर मेथीची 1 लाख 50 हजार जुडी आवक झाली. परतीच्या पाऊसानंतर घटलेली भाजीपाल्यांची आवक पुर्वपदावर येण्यास सुरवात झाली आहे. दरम्यान, येत्या काही दिवसांत सर्व भाजीपाल्यांचे दर पूर्वपदावर येतील, अशी शक्यताही भुजबळ यांनी वर्तविली आहे.