वाकड भुयारी मार्ग वाहतुकीस खुला

आमदार लक्ष्मण जगताप यांच्या हस्ते उद्घाटन

सांगवी : पिंपरी-चिंचवड महापालिकेच्यावतीने औंध परिसरातील औंध-रावेत बीआरटीएस रस्त्यावर पिंपळे निलख रस्त्यावर होणार्‍या वाहतूक कोंडी सोडविण्याठी वाय जंक्शन येथे भुयारी मार्ग उभारण्यात आला आहे. हा भुयारी मार्गावर उद्घाटन सोमवारी (दि. 7 रोजी) भाजपचे आमदार आमदार लक्ष्मण जगताप यांच्या हस्ते करण्यात आले. यावेळी महापौर नितीन काळजे, स्थायी समिती अध्यक्षा ममता गायकवाड, सत्तारूढ पक्षनेते एकनाथ पवार, महिला व बालकल्याण सभापती सुनीता तापकीर, ड प्रभाग अध्यक्ष शशिकांत कदम, नगरसेवक शत्रुघ्न काटे, आरती चोंधे, निर्मला कुटे यांच्यासह महापालिकेचे अधिकारी व कर्मचारी उपस्थित होते.

15.99 कोटी रुपये खर्चून भुयारी मार्ग विकसित करण्यात आला असून, त्याची लांबी 490 मीटर तर, रुंदी 7.5 मीटर आहे. प्रकल्पाची उंची 5.5 मीटर आहे. या प्रकल्पामुळे हे जंक्शन सिग्नल विरहित होणार असून, बीआरटी बस सेवा जलद होणार आहे. तसेच, वाकडहून पुण्याकडे जाणार्‍या वाहनचालकांचा मार्ग यामुळे सुकर होणार आहे, असे महापालिका प्रशासनाकडून सांगण्यात आले. तसेच भारतरत्न जे.आर.डी. टाटा उड्डाणपुलाच्या पिंपळे गुरव, पिंपळे सौदागर, वाकड व हिंजवडीकडून पिंपरी-चिंचवड, मुंबईकडे जाणार्‍या रँपचेउद्घाटनही आमदार जगताप यांच्या हस्ते झाले. या वेळी महापौर नितीन काळजे, एकनाथ पवार उपस्थित होते.