वाजवणेच्या सरपंचपदी अनिता बच्चे बिनविरोध

उपसरपंचपदी शांताराम आंद्रे यांची निवड

शेलपिंपळगाव- वाजवणे गावच्या सरपंचपदी अनिता बच्चे व उपसरपंचपदी शांताराम आंद्रे यांची नुकतीच बिनविरोध निवड करण्यात आली. मावळत्या सरपंच रंजना आंद्रे व उपसरपंच उमेश बच्चे यांनी निर्धारित कालावधी पूर्ण झाल्यामुळे पदाचा राजीनामा दिला. सरपंचपदासाठी अनिता बच्चे व उपसरपंचपदासाठी शांताराम आंद्रे यांनी अर्ज दाखल केला. त्यांच्याविरोधात कोणताही अर्ज दाखल न झाल्यामुळे निवडणूक निर्णय अधिकारी एस.एन.धर्माकांबळे यांनी त्यांच्या निवडीची घोषणा केली. यावेळी ग्रामसेविका के. जी. जुराफे , मावळत्या सरपंच रंजना आंद्रे, उपसरपंच उमेश बच्चे, ग्रामपंचायत सदस्य चंद्रकांत आंद्रे, महेंद्र भोसले, पोलीस पाटिल सीताराम बच्चे, विठ्ठल आंद्रे, प्रकाश बच्चे यांच्यासह ग्रामस्थ उपस्थित होते. मुक्ताई प्रतिष्ठाण वाजवणे यांच्याकडुन नवनियुक्त पदाधिकार्‍यांचा सत्कार करण्यात आला.