विदर्भाचे वेगळे राज्य वढू, रायगडाला अमान्य

शिवप्रतिष्ठानचे संस्थापक अध्यक्ष संभाजी भिडे यांची स्वतंत्र विदर्भ वादात उडी
पुणे : बाष्कळ विदर्भाला वेगळे राज्य पाहिजे पण ते वढू, रायगडाला मान्य नसल्याचे सांगत शिवप्रतिष्ठानचे संस्थापक अध्यक्ष संभाजी भिडे यांनी वेगळ्या विदर्भ राज्याच्या मागणी वादात उडी घेतली आहे. पुण्यातील जंगली महाराज मंदिरात ते धारकर्‍यांसमोर बोलत होते. भिडे यावर्षीही संचेती हॉस्पिटल पूल ते डेक्कन येथील संभाजी महाराज पुतळ्यापर्यंत धारकर्‍यासह सहभागी होणार आहेत. दुपारी दोन वाजण्याच्या सुमारास संभाजी भिडे गुरुजी यांनी जंगली महाराज मंदिरात सर्व धारकर्‍यांना मार्गदर्शन केले.

भिडे गुरुजी म्हणाले, मनुष्य हा मनाला जिंकू शकत नाही. मनाला जिंकण्याची कृती म्हणजे धर्माचार आहे. ते साध्य कसे होईल याची शिकवण संतांनी आपणास दिली आहे. छत्रपती शिवाजी महाराज आणि संभाजी महाराज यांची प्रेरणा पुढील पिढीला मिळाली पाहिजे. यासाठीच रायगडावर सोन्याचे सिंहासन साकारले जाणार आहे. याकामी राज्यातील तरुणांनी पुढाकार घेण्याचे आवाहन त्यांनी केले.