वृक्ष लागवडीचे उद्दिष्ट पूर्ण

धुळे। जिल्ह्यात 7 जुलै रोजी वृक्ष लागवडीचे उद्दीष्ट पूर्ण केले आहे. जिल्ह्यात एकूण 14 लाख 34 हजार 885 वृक्षांची लागवड झाल्याची माहिती वन विभागाचे उप वन संरक्षक जी.के. अनारसे यांनी दिली. जिल्ह्याला 1 ते 7 जुलै दरम्यान 8 लाख 2 हजार वृक्ष लागवडीचे उद्दीष्ट देण्यात आले होते. प्रशासनाने सदर उद्दीष्टानुसार वृक्ष लागवडीसाठी 3 हजार 77 स्थळे निश्चित केली होती. यासाठी लॅन्डबॅक बुकलेट तयार करण्यात आले होते. तसेच जिल्ह्यातील समन्वय अधिकारी यांची नावे व भ्रमणध्वनी क्रमांक असलेली समन्वय अधिकारी पुस्तिका तयार करण्यात आली होती.

अशी झाली उद्दिष्टपूर्ती…
वनविभागाकडून रोपे आपल्या दारी हा कार्यक्रम राबविण्यात आला. सवलतीच्या दरात रोपे उपलब्ध करुन देण्यासाठी धुळे, शिरपूर, शिंदखेडा, दोंडाईचा, साक्री येथे वनमहोत्सव केंद्र सुरु करण्यात आलेे. वन विभागाच्या 29 , सामाजिक वनीकरण 4 अशा एकूण 22 रोपवाटिका तयार करण्यात आल्या. 14 लाख 54 हजार खड्डे खोदून त्यामध्ये 7 जुलै अखेर रोपे लागवड पूर्ण करण्यात आली. पथनाटय, चित्ररथ, वृक्ष दिंडी, बस स्थानकावर जिगंल्स प्रसारण, दुरचित्रवाणी प्रासरण, होर्डीग्ज, जाहीरात फलक, डिजीटल बोर्ड याद्वारे जनजागृती करण्यात आल्याची माहिती उपवनसंरक्षक जी.के.अनारसे यांनी दिली.