व्हिप झुगारला; वरणगावातील मंत्री महाजन गटाच्या नगरसेवकांबाबत 15 रोजी सुनावणी
भुसावळ: तालुक्यातील वरणगाव पालिकेच्या चुरशीच्या झालेल्या नगराध्यक्षपदाच्या निवडणुकीत मंत्री महाजन गटाचे कमळ फुलल्यानंतर सुनील काळे यांची नगराध्यक्षपदी वर्णी लागली होती तर खडसे गटाच्या नगरसेवकांचा दारूण पराभव झाला होता. तत्पूर्वी खडसे गटाने गटनेता बदलाची नोंदणी करत नितीन माळी यांना गटनेता जाहिर केले होते. नितीन माळी यांनी व्हिप काढत रोहिणी जावळे यांना मतदान करण्यासंदर्भात बजावल्यानंतर भाजपचे सुनील काळे, नगरसेविका नसरीनबी साजीद कुरेशी व माला मिलिंद मेढे यांनी व्हिपची अंमलबजावणी न करता स्वतः नगराध्यक्षपदाचे उमेदवार असलेल्या काळे यांना मतदान केले होते. व्हीप झुगारला म्हणून उभय तिघांना अपात्र करण्यासंदर्भात जिल्हाधिकार्यांकडे याचिका दाखल करण्यात आली होती. या प्रकरणी 28 रोजी सुनावणी होणार होती तर गुरुवारी पुन्हा या नगरसेवकांबाबत 15 जानेवारी ही तारीख देण्यात आली असल्याची माहिती सूत्रांनी दिली.