शहरातील पाणीपुरवठा गुरुवारी बंद

पिंपरी-चिंचवड : महापालिकेच्या रावेत पंपिंग स्टेशन आणि ससेक्टर 23 मधील जलशुद्धीकरण केंद्रातील पाणीपुरवठा विभागाची नियमित दुरुस्तीची कामे करणे तसेच रावेत पंपिंग स्टेशनमध्ये तातडीची आवश्यक कामे करणे आणि शहरातील पाणी वितरण व्यवस्थेतील दुरुस्तीची कामे करण्यासाठी गुरुवारी (दि. 26) पिंपरी- चिंचवड शहरातील पाणीपुरवठा बंद राहणार आहे. मात्र गुरुवारी सकाळी महापालिकेमार्फत पाणीपुरवठा केला जाणार आहे. त्यानंतर दुरुस्तीकामासाठी संध्याकाळचा पाणीपुरवठा बंद राहणार आहे. त्याचप्रमाणे शुक्रवारी (दि. 27) सकाळी पाणीपुरवठा अनियमित व कमी दाबाने होण्याची शक्यता असल्याने पाणीपुरवठा विभागाने कळवले आहे. तरी नागटिकानी पाण्याचा जपून वापर करून महापालिकेस सहकार्य करावे असे आवाहन करण्यात आले आहे.