शहादयात चहाच्या कॅन्टीनमध्ये कर्जबाजारी शेतकर्‍याची आत्महत्या
शहादा- तहसील कार्यालयाच्या आवारात असलेल्या चहाच्या कॅन्टीनमध्ये एका कर्जबाजारी शेतकर्‍याने गळफास घेऊन आत्महत्या केल्याची घटना घडल्याने खळबळ उडाली आहे. अशोक चौधरी (35, महालक्ष्मी नगर, शहादा) असे मयत शेतकर्‍याचे नाव आहे. चौधरी यांच्या शेतजमिनीवर कर्जाचा बोजा आहे शिवाय नापिकी असल्याने हे कर्ज कसे फेडावे या विवंचेत ते होते. या ताण-तणावातून नैराश्य आल्याच्या भावनेने तरुण शेतकर्‍याने स्वतःच्या तहसील कार्यालयाच्या आवारात असलेल्या चहाच्या कॅन्टीनमध्ये गळफास घेऊन जीवनयात्रा संपवली. ही घटना 26 ऑक्टोबर रोजी रात्री नऊ वाजेच्या सुमारास घडली. या घटनेने परीसरात खळबळ उडाली आहे. याबाबत शहादा पोलीस ठाण्यात अकस्मात मृत्यूची नोंद करण्यात आली.