शिरगाव परिसरात बिबट्याचा वावर

ग्रामस्थांमध्ये भीतीचे वातावरण
शिरगाव : शिरगाव येथे दारुंब्रे रस्त्यावर गावातील दीपक आरगडे व सोमनाथ गोपाळे यांनी त्यांच्या घराजवळ आलेला बिबट्या पहिला आणि आरडा ओरड केल्याने तो नदीकडे गेल्याचे यांनी सांगितले.या भागात गेल्या दोन ते तीन दिवसापासून बिबट्याचे दर्शन होत असल्याने गावात भीतीचे वातावरण निर्माण झाले निर्माण झाले आहे

खबरदारी घेण्याचे आवाहन
वडगाव वनपरिक्षेत्र अधिकारी सोमनाथ ताकवले यांनी दिलेली माहिती अशी : बिबट्या गेल्या पंधरा दिवसापूर्वी कासारसाई येथे दिसला होता.आठ दिवसापूर्वी सांगवडे आणि साळूम्ब्रे गावच्या शिवारात त्याचे दर्शन झाले होते आणि सोमवार आणि मंगळवार शिरगावात त्याचा वावर असल्याचे प्रत्यक्ष दर्शिनी सांगितले. या परिसरात उस शेती जास्त असल्याने या भागात त्याला लपून बसण्यासाठी चांगले क्षेत्र आहे त्यामुळे तो बिबट्याच असावा असेही यावेळी ताकवले यांनी सांगितले. या भागात पिंजरा लावण्यासाठी प्रधान वनपरिक्षेत्र अधिकारी यांची परवानगी घेणे आवश्यक असल्याने तसी परवानगी आम्ही मागितली आहे. आदेश मिळताच आम्ही कार्यवाही करू. ग्रामस्थांना संध्याकाळी एकटे बाहेर न पडण्याचे आवाहन आम्ही वनभाकडून केले आहे शिवाय बिबट्या दिसल्यास काय खबरदारी घ्यावी याचेही मार्गदर्शन केले आहे.

पिंजरा लावण्याची मागणी
गेल्या पंधरा दिवसापासून या भागात बिबट्या दिसतो आहे आणि त्यासाठी वनविभागाकडून कोणतीच ठोस कारवाई होत नाही याबाबत या भागातील नागरिकांनी नाराजी व्यक्त केली. या बिबट्याने जर कोणाला नुकसान पोचवले तर याला सर्वस्वी जबाबदार वनविभाग राहील, असे संत तुकाराम सहकारी कारखान्याचे संचालक राजाराम राक्षे यांनी सांगितले. जर पंधरा दिवस या भागात बिब्त्याचा वावर आहे आणि या विभागाचे लोक येतात आणि नुसते पाहून जातात आणि बाहेर जावू नका म्हणतात. त्यांच्या भीतीने आम्ही शेतातील कामे करायची नाहीत का? असा सवालही यावेळी त्यांनी उपस्थित केला. त्यामुळे हि बाब अतिशय गंभीर असून यावर लवकरात लवकर कार्यवाही करावी व पिंजरा लावावा असे त्यांनी यावेळी सांगितले.