शिरपूर येथील युवकाची 1 लाख 20 हजार रूपयांची फसवणूक
शिरपूर । सुशिक्षित बेरोजगार युवकाने नोकरी लागेल या आशेने पुणे येथील एका बनावट कंपनीत 1 लाख 20 हजार रूपये भरून फसवणूक झाल्याची घटना उघडकीस आली. ललित विश्वनाथ चौपाळे रा. बासुदवे बाबानगर शिरपुर या युवकाचे शिक्षण एम.एस्सी कॉम्प्युटर सायन्स झाले असल्यामुळे तो नोकरीच्या शोधात होता. त्याने इंटरनेटच्या माध्यमातून अनेक ठिकाणी ऑनलाईन फॉर्म भरले होते. त्यापैकी मॅक्स जॉब प्लसेमेंट या नावाच्या जॉब देणार्या कंन्सटन्सी कंपनीकडे 3 हजार रूपये भरून रजिस्ट्रेशन केले. त्यामुळे 16 मार्च 2017 रोजी विजय भारद्वाज यांनी मेल करून नोकरीची हमी दिली.
सिक्युरिटी डिपॉझीटच्या नावाने उकळले पैसे
23 मार्च रोजी पुन्हा रिया ठाकूर हिने सिक्युरिटी डिपॉझीट भरावी लागेल म्हणून चौपाळे यांनी 23 हजार 500 रूपये पेटीएमद्वारे ऑनलाईन ट्रान्सर्फर केलेत. 27 रोजी पुन्हा 35 हजार रूपयांची मागणी केल्यामुळे ती ही रक्कम भरली. पुन्हा एजंट डोनेशन म्हणून 45 हजार रूपये भरलेत. अशाप्रकारे चौपाळे याने 1 लाख 20 हजार रूपये मागणी केल्याप्रमाणे भरले आहेत. फसवणूक झाल्याची शंका आल्याने चौपाळे यांनी 13 एप्रिल रोजी पुणे येथे कंपनीत जावून चौकशी केली असता अशाप्रकारचा व्यवहार येथे होत नसल्यची माहिती देण्यात आली.
3 लाख 20 हजाराचे पॅकेज
त्यांनतर 20 मार्च रोजी रिया ठाकूर हिने अॅमडांस या कंपनीत एच. आर. या पदावार काम करत असल्याचे सांगून मोबाईलद्वारे मुखलाख घेतली. त्यानंतर तीने निवड झाल्याचे एकातासानंतर कळविले. त्यावेळी तीने 4 हजार रूपये भरायला सांगितले. पुन्हा थोड्या वेळाने तीने 12 हजार 500 रूपये बँक खात्यात भरायला सांगितले. नोकरी लागेल म्हणून चौपाळे याने देखील त्यांनी सांगितल्यानुसार भरत गेला. यानंतर 21 रोजी मेलद्वारे नोकरी मिळाल्याचे कळवून 3 लाख 20 हजाराचे पॅकेज असल्याचे सांगितले.
संशयित यांच्या विरोधात गुन्हा दाखल
सुशिक्षित बेरोजगार असल्यामुळे नोकरी लागेल म्हणून पैसे भरले, परंतू, सदर संशियतांनी फसवणूक करून ठगविण्याच्या उद्देशाने वेळोवेळी रक्कम घेवून शारिरीक मानसिक घात केला. इंटरनेट व फोन माध्यमाचा दुरूपयोग करून सुशिक्षित नोकरी लागणार असलेल्या मुलांना फसविण्याबाबतचा स्पष्ट उद्देश आरोपी करीत आहेत. याबाबत संशयित आरोपी विजय भारद्वाज रा. दिल्ली, रिया ठाकूर, कोमल कुमारी, ब्रिजेश बहादुरीया, राजेश सर्व राहणार सायबर सिटी टॉवर, मगर पट्टा पुणे यांच्या विरोधात गुन्हा दाखल करण्यात आला आहे.