शिरसोली येथील वृध्दाचा गळफास
जळगाव – तालुक्यातील शिरसोली येथील ६० वर्षीय वृध्दाने राहत्या घरात गळफास घेवून आत्महत्या केल्याची घटना उघडकीस आली. याबाबत एमआयडीसी पोलिसात अकस्मात मृत्यूची नोंद करण्यात आली आहे. याबाबत पोलिसांकडून मिळालेली माहिती अशी की, शिरसोली येथील भास्कर तुकाराम पाटील वय ६० यांनी राहत्या घरात गळफास घेवून आत्महत्या केली. गावकर्यांनी त्यांना जिल्हा शासकीय वैद्यकीय महाविद्यालय व रुग्णालय येथे दाखल केले. याठिकाणी डॉक्टरांनी त्यांना मयत घोषित केले. याबाबत डॉ. दिनेश खैताडे यांच्या खबरीवरून एमआयडीसी पोलिसात अकस्मात मृत्यूची नोंद करण्यात आली आहे.त्यानंतर शवविच्छेदन करून मृतदेह नातेवाईकांच्या स्वाधीन करण्यात आला.