शिवरायांबद्दल वादग्रस्त वक्तव्य करणारे श्रीपाद छिंदम १९०० मतांनी विजयी

अहमदनगर : छत्रपती शिवाजी महाराजांबद्दल आक्षेपार्ह विधान करणारे माजी उपमहापौर श्रीपाद छिंदम यांचा अहमदनगर महापालिकेच्या निवडणुकीत विजय झाला आहे. पहिल्या काही फेऱ्यांत पिछाडीवर असलेल्या छिंदमने नंतर आघाडी घेतली. ही आघाडी शेवटपर्यंत राखत त्याने विजय मिळविला.

श्रीपाद शंकर छिंदम प्रभाग ९ (क) मूधन सर्वसाधारण जागेवर अपक्ष निवडणूक लढवत होता. या मतदारसंघात चार फेऱ्यानंतर मनसेचे पोपट पाथरे यांनी पाचशे मतांची आघाडी घेतली होती. मात्र, नंतर सहाव्या फेरीनंतर छिंदमने चारशे मतांची आघाडी घेतली. त्याची ही आघाडी तेराव्या फेरीनंतर १९७० मतांपर्यंत पोहोचली आहे. या प्रभागात छिंदमविरोधात अनिता राजेंद्र राठोड (राष्टÑवादी), सुरेश रतनप्रसाद तिवारी (सेना), प्रदीप परदेशी (भाजप), पोपट भानुदास पाथरे (मनसे), प्रवीण शाहूराज जोशी (अपक्ष), निलेश सत्यवान म्हसे (अपक्ष), अजयकुमार अरुण लयचेट्टी (अपक्ष) हे उमेदवार निवडणुकीच्या रिंगणात होते.

श्रीपाद छिंदमची पत्नी स्नेहा या प्रभाग १३ (क) मधून निवडणूक लढवत होत्या़ त्यांच्याविरोधात निलम गजेंद्र दांगट (राष्ट्रवादी) गायत्री नरेंद्र कुलकर्णी (भाजप), सुवर्णा संजय गेनाप्पा (शिवसेना), सुनीता शांताराम राऊत हे रिंगणात होते.