शीखविरोधी हिंसाचार: सज्जन कुमारला आज करावे लागणार सरेंडर !

नवी दिल्ली : १९८४ साली दिल्लीत झालेल्या शीखविरोधी दंगल प्रकरणात काँग्रेस नेते सज्जन कुमार यांना जन्मठेपेची शिक्षा सुनाविण्यात आलेली आहे. सज्जन कुमार आज न्यायालयाने ३१ डिसेंबरपर्यंत शरण येण्याचे आदेश दिल्याने त्यांना आज शरण येण्यावाचून पर्याय नाही. दिल्ली उच्च न्यायालायने १७ डिसेंबरला सज्जन कुमारला जन्मठेपेची शिक्षा सुनावली, त्यावेळी ३१ डिसेंबरपर्यंत शरण येण्याची मुदत दिली होती. सज्जन कुमार यांनी मुदत महिन्याभरासाठी वाढवून देण्याची मागणी केली. पण ती मागणी न्यायायलाने फेटाळली.

सज्जन कुमार दिल्लीच्या कडकड्डूमा कोर्ट किंवा तिहार जेल प्रशासनासमोर आत्मसमर्पण करण्याची शक्यता वर्तवण्यात येते. हिवाळी सुट्टीच्या कारणाने सर्वोच्च न्यायालय १ जानेवारीपर्यंत बंद आहे. २ जानेवारीपासून न्यायालयाचे कामकाज सुरळीतपणे सुरू होईल.