शेंदूर्णीत श्वेतांबर जैन व्यापारी बांधवांकडून किराणा वाटप

शेंदूर्णी: येथे आज सोमवारी श्वेतांबर जैन व्यापारी बांधवांतर्फे घरकाम करणाऱ्या महिलांना तांदूळ, डाळ,तेल, साखर, चहा,मीठ, मिरची , स्नानाचा व कपड्याचा साबण,सर्फ पावडर, बिस्कीट पुढे,मसाला अश्या प्रकारचे पंधरा दिवस पुरेल असे साहित्य वाटप करण्यात आले. यावेळी कस्तुरचंद जैन,करमेश अनराज जैन, कांतीलाल जैन, सुनील ओस्तवाल,उर्मील जैन,मंगेश जैन,बाळू जैन, शिवलाल राका यांच्या हस्ते किराणा मालाचे वाटप करण्यात आले. शेंदूर्णी येथील श्वेतांबर जैन व्यापारी बांधवांनीही आपल्याकडे घरकाम करणाऱ्या महिला कामगारांना १५ दिवस पुरेल ६० महिलांना किराणा वाटण्यात आले. माजी सरपंच सागरमल जैन यांनी कोरोना विषाणूच्या प्रादुर्भाव रोखण्यासाठी करावयाचे उपाय या विषयावर माहिती दिली. जैन श्वावक संघातील सर्व व्यापारी ठराविक वर्गनी करून लवकरच राज्यातील कोरोना ग्रस्तांच्या मदतीसाठी मुख्यमंत्री सहाय्यता निधीत रक्कम पाठवून आपले योगदान देणार आहेत असे सांगितले.