शेतात लागलेल्या आगीत सहा लाखांचा मका खाक

एरंडोल : तालुक्यातील फरकांडे शिवारामधील शेतात मक्काला अचानक आग लागल्याने सहा लाख रुपयांचे नुकसान झाले. याबाबत कासोदा पोलिस ठाण्यात अकस्मात आगीची नोंद करण्यात आली.

कासोदा पोलिसात आगीची नोंद
शांतराम गोविंदा चव्हाण (फरकांडे, ता.एरंडोल) यांचे फरकांडे शिवारात गट नंबर 57 मध्ये शेत असून गुरुवार, 19 मे रोजी रात्री साडेआठ वाजेच्या सुमारास त्यांच्या शेतातील मक्याला अचानक आग लागल्याने सुमारे सहा लाखांचे नुकसान झाले. याबाबत कासोदा पोलिस ठाण्यात शांताराम चव्हाण यांच्या खबरीवरून अकस्मात आगीची नोंद करण्यात आली. पुढील तपास हवालदार युवराज कोळी करीत आहे.