शॉर्टसर्किटमुळे लागलेल्या भीषण आगीत २२ बकऱ्या, २ बोकडांचा होरपळून मृत्यू

पिंपरी-चिंचवड : शॉर्टसर्किटमुळे लागलेल्या भीषण आगीत  मटण शॉप दुकानातील २२ बकऱ्या आणि २ बोकडांचा होरपळून मृत्यू झाल्याची घटना घडली आहे. या आगीत ५ दुकान जळून खाक झाली असून ही घटना आज पहाटेच्या सुमारास पिंपरी-चिंचवड मधील लालटोपी नगरात घडली आहे. यात ५ लाख रुपयांचे आर्थिक नुकसान झाल्याची माहिती अग्निशमन दलाच्या विभागाने दिली आहे.

शहरातील लालटोपी नगर येथे पहाटे पाचच्या सुमारास मारुती टायर दुकानाला शॉर्टसर्किटमुळे भीषण आग लागली,बघता बघता आगीने रोद्ररूप धारण करत शेजारील दुकानांना घेरले. यात ऐकून पाच दुकान जळून खाक झाली. तर शानदार मटण शॉप मधील २२ बकऱ्या आणि २ पाळलेल्या बोकडांचा होरपळून मृत्यू झाला आहे. या घटनेमुळे शानदार मटण शॉप मालक आणि मारुती टायर विक्री करणाऱ्या दुकानदाराचे मोठे नुकसान झाले आहे. दरम्यान घटनेची माहिती मिळताच अग्निशमन दलाच्या भोसरी,संत तुकाराम नगर,चिखली,प्राधिकरण येथील गाड्या घटनास्थळी दाखल झाल्या. एका तासाच्या अथक प्रयत्नानंतर आगीवर नियंत्रण आणण्यात अग्निशमन दलाच्या जवानांना यश आले.घटनेची माहिती इब्राहिम चौधरी यांनी दिली होती. अग्निशमन दलाच्या अशोक कानडे,चंद्रशेखर घुले,शांताराम घारे,राजाराम चौरे,विकास तोडकर,विशाल जाधव,सुरेश मुंडे,दिलीप कांबळे,दिनेश इंगलकर यांच्यासह ऐकून २५ कर्मचारी यांनी आगीवर नियंत्रण आणले आहे.