शौचास जात असलेल्या महिलेचा विनयभंग;एकावर गुन्हा दाखल

जळगाव : शौचास जात असलेल्या महिलेचा हात धरून विनयभंग केल्याप्रकरणी संदिप दिनकर भारंबे या तरूणाविरूध्द एमआयडीसी पोलीस ठाण्यात गुन्हा दाखल करण्यात आला आहे़ ही घटना सोमवारी पहाटे ४़१५ वाजता कासमवाडीत सार्वजनिक शौचालयाजवळ घडली.

कासमवाडीतील महिला ही शहरातील एका खाजगी विद्यालयात शिपाई म्हणून कामाला आहे़ सोमवारी पहाटे त्या शौचालयाला जात असताना रस्त्यात संदिप भारंबे या तरूणाने गाठले़ यानंतर हात पकडून महिलेचा विनयभंग केला़ हा प्रकार महिलेने कुटूंबीयांना सांगितल्यानंतर त्या संदिप याने त्या महिलेच्या कुटूंबीयांना शिवीगाळ देखील केली़ अखेर महिलेने पोलिसात दिलेल्या फिर्यादीवरून गुन्हा दाखल करण्यात आला आहे.