संतत पावसामुळे धरणातील पाठीसाठ्यात झाली वाढ

पवना धरण 35 टक्के भरले

पवनानगरः मावळ तालुका आणि पिंपरी-चिंचवड महानगरपालिकेतील गावांना पाणी पुरवठा करणारे पवना धरण 35 टक्के भरले आहे. गेल्या 24 तासात धरण परिसरात 65 मि.मि. पाऊस पडला. 1 जून पासून 794 मि.मि. पाऊस पडला असून आत त्यात सव्वा सात टक्क्यांनी वाढ झालेली दिसून येत आहे. त्यामुळे धरणातील पाणीसाठा 35.29 टक्के झाला आहे. हा पाणीसाठा दोन महिन्यांपेक्षा जास्त काळ पुरेल एवढा आहे. पिंपरी-चिंचवड महापालिकेच्या पाणीपुरवठा विभागामार्फत शहरात दैनंदिन पाणीपुरवठा केला जातो. पवना धरणातून दिवसाला नदीपात्रात पाणी सोडले जात आहे. पवना धरणात 35.29 टक्केपाणीसाठा झाला आहे.

पावसाचे प्रमाण वाढले
जून महिन्यामध्ये धरण पाणलोट क्षेत्रात अत्यल्प पाऊस पडला होता. त्यामुळे शहरवासीयांवर पाणी कपातीचे संकट येण्याची शक्यता निर्माण झाली होती. परंतु, मागील सहा दिवसांपासून या परिसरात पावसाचे प्रमाण वाढले आहे. शहरवासीयांना पिण्याचे पाणी देणारा एकमेव स्त्रोत असलेल्या पवना धरणात गेल्या 24 तासांत 65 मि.मी. पाऊस पडला आहे. तर 1 जूनपासून 794 मि.मी. पाऊस पडला. यंदाच्या पावसाळ्यात धरणात 14.76 टक्क्यांनी धरणातील साठ्यात वाढ झाली आहे. सध्या धरणात 35 टक्के पाणीसाठा झाला आहे. हा पाणीसाठा दोन महिन्यांपेक्षा अधिक काळापर्यंत तहान भागविणार आहे.