संदीप, विकास धारियाची आगेकूच कायम

मुंबई। तिसरा मानांकित संदीप देवरुखकर आणि चौथ्या मानांकित विकास धारीयाने जुहुविलेपार्ले जिमखाना आयोजित दुसर्‍या जोडजिल्हा कॅरम स्पर्धेतली आगेकूच कायम राखली आहे.

संंदीपने जैन इरिगेशनच्या योगेश धोंगडेचा 25-16, 25-19 असा पराभव करत चौथ्या फेरीत स्थान मिळवले. अन्य लढतीत विकास धारियाने राहुल सोळंकीची कडवी लढत 25-13, 10-25, 25-7 अशी मोडून काढत पुढच्या फेरीत प्रवेश केला. माजी राज्य विजेता दिलेश खेडेकरनेही दिलीप सोसाचा प्रतिकार 25-17, 9-25, 25-14 असा मोडून काढला.अन्य निकाल (तिसरी फेरी) : रियाझ अकबर अली विजयी विरुद्ध निलेश परब 25-1, 25-4. अलंकार नाईक विजयी विरुद्ध वैभव पवार 25-17, 25-13. वैभव शिंदे विजयी विरुद्ध विनोद बारिआ 25-6, 25-8.