सदाशिव नगरातील वृध्दाचा उपचार दरम्यान मृत्यू

जळगाव। सदाशिव नगरातील वृध्दाचा जिल्हा रूग्णालयात उपचार घेत असतांना मृत्यू झाल्याची घटना बुधवारी सकाळी 11.30 वाजेच्या सुमारास घडली असून याप्रकरणी शनिपेठ पोलिस ठाण्यात अकस्मात मृत्यूची नोंद करण्यात आली आहे.

शहरातील सदाशिव नगरातील सुधाकर लक्ष्मण सरोदे (वय-69) यांची प्रकृति खालावल्याने त्यांना जिल्हा सामान्य रूग्णालयात बुधवारी सकाळी उपचारार्थ दाखल करण्यात आले होते. परंतू उपचार घेत असतनांनाच सकाळी 11.30 वाजेच्या सुमारास त्यांचा मृत्यू झाला. याप्रकरणी सीएमओ डॉ. दसुरे यांनी दिलेल्या खबरीवरून शनिपेठ पोलिस ठाण्यात अकस्मात मृत्यूची नोंद करण्यात आली आहे. तसेच याप्रकरणाचा प्राथमिक तपास सहाय्यक फौजदार बडगुजर हे करीत आहेत.