‘सनातन’ वर बंदी आणू देणार नाही : हिंदू जनजागृती समिती

 पुणे :डॉ. नरेंद्र दाभोलकर आणि गौरी लंकेश यांच्या हत्या प्रकरणाशी हिंदू जनजागृती समिती आणि सनातन संस्थेचा संबंध नाही. आम्ही कोणत्याही परिस्थितीत सनातन व आमच्या संस्थेवर बंदी आणू देणार नाही. तसा प्रयत्न झाला तर तीव्र लढा उभारला जाईल, असा इशारा हिंदू जनजागृती समितीचे समन्वयक पराग गोखले यांनी दिला. पुण्यात मंगळवारी सनातन संस्था आणि हिंदू जनजागृती समितीच्या वतीने मोर्चाचे आयोजन करण्यात आले.

दहशतवादीविरोधी पथक आणि केंद्रीय गुन्हे अन्वेषण विभागाने (सीबीआय) काही संशयित हिंदुत्ववादी दहशतवाद्यांना अटक केली असून या अटकेच्या पार्श्वभूमीवर सनातन संस्थेवर बंदी घालण्याचा मुद्दा पुन्हा चर्चेला आला आहे. . बाजीराव रोडवरील महाराणा प्रताप उद्यान चौक येथून मोर्चाला सुरुवात झाली. बाजीराव चौक – अप्पा बळवंत चौक – शनिवारवाडा – कसबा गणपति मंदिर येथे मोर्चाचा शेवटचा टप्पा होता. मोर्चात महिलांची संख्या लक्षणीय होती.