साकेगावच्या विवाहितेची आत्म्हत्या : कारण गुलदस्त्यात
भुसावळ- तालुक्यातील साकेगाव येथील फर्जानाबी शेख शेख सिराज (28) या विवाहितेने गळफास घेवून आत्महत्या केली. बुधवारी पहाटे ही घटना उघडकीस आली. मुलाच्या पाळण्यासाठी बांधलेल्या दोरीच्या सहाय्याने त्यांनी गळफास घेतला. या घटनेनंतर तालुका पोलीस ठाण्याचे निरीक्षक अरूण हजारे व सहकार्यांनी घटनास्थळी पाहणी केली. मृतदेहावर जिल्हा रूग्णालयात शवविच्छेदन करण्यात आले. शेख सिराज शेख अल्लाऊद्दीन यांनी दिलेल्या महितीवरून तालुका पोलिस ठाण्यात अकस्मात मृत्यूची नोंद करण्यात आली. दरम्यान, पोलिसांनी या प्रकरणी चौकशी सुरू केली असून नेमके कारण कळू शकलेले नाही.