सातपैकी 5 ग्रा.पं.वर भाजपचे वर्चस्व

धुळे । शिंदखेडा तालुक्यातील सात ग्रामपंचायतीच्या सार्वत्रिक निवडणुक रविवारी पार पडली. सोमवारी सकाळी मतमोजणी होऊन निकाल जाहीर करण्यात आले. त्यात पाच ग्रा.पं.वर भाजपाने तर दोन ग्रा.पं. वर काँग्रेस पक्षाने विजय मिळवित आपले वर्चस्व प्रस्थापित केले आहे. शिंदखेडा तालुक्यातील परसामळ, साळवे, कंचनपूर, तावखेडा प्र.बो., वाघोदे, वालखेडा व कदाणे या सात ग्रा.पं. च्या सार्वत्रिक निवडणुकीसाठी रविवार, 27 रोजी मतदान घेण्यात आले होते. सोमवार 28 रोजी येथील तहसील कार्यालयात सकाळी मतमोजणी सुरू होऊन 10 वाजेपर्यंत सर्व ग्रा.पं. चे निकाल जाहीर करण्यात आले.

असे आहेत लोकनियुक्त सरपंच
भाजपने परसामळ, साळवे, कंचनपूर, तावखेडा प्र.बो. वाघोदे या ग्रामपंचायतींमध्ये तर काँग्रेस पक्षाने वालखेडा व कदाणे या ग्रा.पं.च्या निवडणुकीत विजय मिळविला. लोकनियुक्त सरपंचपदी परसामळ ग्रा.पं. त नारायण भिमसिंग गिरासे, साळवे ग्रा.पं. इंदूबाई पुंडलिक फुलपगारे, कंचनपूर ग्रा.पं. गंगाबाई नेहरू पाटील, तावखेडा प्र.बो. राकेश आत्माराम भामरे, वाघोदे ग्रा.पं. गोविंदा पुंजू वाघ, कदाणे ग्रा.पं. सरला शरद पारधी या तर वालखेडा ग्रा.पं.च्या सरपंचपदी लक्ष्मण दशरथ मालचे विजयी झाले. निवडणुकीचे निकाल जाहीर होताच उमेदवारांसह समर्थकांनी गुलालांची उधळण विजयाचा जल्लोष केला.