सातवी अध्यक्षीय चषक कॅरम स्पर्धा 20 ऑगस्टपासून
मुंबई। मुंबई जिल्हा कॅरम संघटना आणि सेंट्रल रेल्वे इन्स्टिट्यूट माटुंगा यांच्या संयुक्त विद्यमाने 20 ते 23 ऑगस्टदरम्यान सेंट्रल रेल्वे इन्स्टिटयूट माटुंगा कल्याण भवन हॉल, पश्चिम रेल्वे माटुंगा ( पूर्व ) येथे सातव्या अध्यक्षीय चषक मुंबई जिल्हा मानांकन कॅरम स्पर्धेचे आयोजन करण्यात आले आहे. पुरुष एकेरी, महिला एकेरी, मुले एकेरी ( 18 वर्षाखालील ) व मुली एकेरी ( 18 वर्षाखालील ) अशा 4 गटांमध्ये या स्पर्धेचे आयोजन करण्यात आले आहे.
विजेत्या खेळाडूंना 40 हजारांची रोख पारितोषिके व अध्यक्षीय फिरता चषक देऊन गौरविण्यात येईल. स्पर्धेमध्ये भाग घेण्यासाठी खेळाडूंनी मुंबई जिल्ह्याला संल्गन असलेल्या क्लबमार्फत आपल्या प्रवेशिका 13 व 14 ऑगस्ट रोजी सायंकाळी 6 ते 8 दरम्यान स्पर्धेच्या ठिकाणी जिल्ह्याचे सचिव यतीन ठाकूर यांच्याकडे आणून द्याव्यात. या स्पर्धेतून आगामी राज्य अजियक्य पद कॅरम स्पर्धांसाठी मुंबईचे प्राधिनिधिक संघ निवडले जातील.