सायकल आराखड्यावरून विरोधक ट्रोल

पुणे । शहरातील नागरिकांसाठी सुरू केलेल्या सायकल शेअरिंग योजनेला महापालिकेतील विरोधीपक्षाकडून विरोध होत असल्याचा अपप्रचार करून काही संस्थेच्या माध्यमातून विरोधीपक्षातील नेत्यांना ट्रोल करण्यात येत असल्याचा आरोप विरोधी पक्षनेते चेतन तुपे यांनी केला. पुणे महापालिकेच्या सभागृहात गुरुवारी सायकल आराखड्याचे सादरीकरण करण्यात आले, त्यावेळी ते बोलत होते.

चेतन तुपे म्हणाले की, शहरातील काही समाजसेवी संस्था महापालिकेतील अधिकार्‍यांच्या सांगण्यावरून ’थश र्डीििेीीं उूलश्रश’ असे कॅम्पेन चालवत असून यामध्ये विरोधी पक्षाचा सायकल योजनेला विरोध असल्याचे सांगत विरोधीपक्षतील नेत्याचे नंबर देऊन मसेज करण्यास सांगितले जात असल्याचा आरोप तुपे यांनी केला आहे. अशा प्रकारचे अनेक मेसेज त्याना प्राप्त झाल्याचे ते म्हणाले.

पुणे महापालिका शहरातील नागरिकांना भाडेतत्त्वावर सायकली उपलब्ध होण्यासाठी पब्लिक सायकल शेअरिंग सिस्टम योजना राबविण्याचे नियोजन करून सविस्तर प्रकल्प अहवालला (डीपीआर) मुख्यसभेची मंजुरी देण्यात आली आहे. मात्र या सायकल आराखड्याचे सादरीकरण देण्यात आले नसल्याचा आरोप विरोधकांनी केला होता. त्यामुळे आज मुख्यसभेच्या सभागृहात सर्व सभासदांसाठी सायकल आराखड्याचे सादरीकरण सादर करण्यात आले. त्यावेळी विरोधकांनी योजनेला आपला पाठिंबा आहे मात्र ज्या प्रकारे योजना राबवण्यात येत आहे त्याला आपला विरोध आल्याचे सांगितले, तसेच या योजनेत अनेक त्रुटी असून त्याच्या दुरुस्तीनंतर या योजनेची अंमलबजावणी करण्यात यावी अशी मागणी देखील यावेळी विरोधकांकडून करण्यात आली.