सावखेडासीमच्या जळीत गर्भवती विवाहितेचा अखेर मृत्यू

मृत्यूपूर्व जवाबावरून सासरच्या मंडळींविरुद्ध दाखल होणार गुन्हा

यावल- तालुक्यातील सावखेडासीम येथील 19 वर्षीय जळीत गर्भवती विवाहितेचा दहा दिवस मृत्यूशी झुंज दिल्यानंतर शुक्रवारी दुपारी मृत्यू झाला. नेहा छबीलदास पाटील (19) असे मयताचे नाव आहे. तत्पूर्वी या विवाहितेचे पोटातील बाळ देखील यापूर्वीच दगावलेे होते तर तिच्या मृत्यू प्रकरणी तिच्या सासरच्या लोकांवर गुन्हा दाखल करावा या मागणी करीता मयताच्या कुटुंबीयांनी अंत्यसंस्कार करण्यापूर्वी यावल पोलिस ठाणे गाठले मात्र मयत विवाहितेच्या जवाबावरून पुढील कारवाई करणार अशा अश्वासना नंतर मयतावर अंतसंस्कार करण्यात आले.

उपचारादरम्यान विवाहितेचा मृत्यू
नेहा छबीलदास पाटील (19 रा.सावखेडासीम, ता.यावल) या गर्भवती विवाहितेला 29 मे रात्री साडेदहा वाजेच्या सुमारास अत्यवस्थ अवस्थेत उपचारार्थ दाखल करण्यात आले मात्र सदरील विवाहिता तब्बल 65 टक्के जळालेल्या अवस्थेत असल्याने व तिची प्रकृती अधिकच बिघडल्याने तिला तत्काळ जळगाव जिल्हा शासकीय वैद्यकीय महाविद्यालयात हलवण्यात आले होते तेथे उपचारा दरम्यान तिच्या पोटातील बाळाचा यापूर्वीच मृत्यू झाला होता तर अत्यवस्थ अवस्थेत जिल्हापेठ पोलिसांनी जवाब नोंदवला मात्र या प्रकरणी गुन्हा दाखल केला नसल्याने शुक्रवारी मयत विवाहितेची आई रेखा भीमा पाटील (रा.इंदूर, मध्यप्रदेश) व मयताचे मेव्हणे प्रशांत नथ्थु पाटील (शिंदखेडा) यांनी नातलगांसह यावल पोेलिस ठाणे गाठले व सदरील विवाहितेला तिच्या सासरच्या लोकांनी जाळल्याने दोषींवर गुन्हा दाखल करावा, अशी मागणी केली मात्र तत्पूर्वी त्या महिलेचा जवाबदेखील जिल्हा पेठ पोलिसांनी घेतला होता त्या जवाबानुसार देखील कुठलीचं कारवाई न केल्याचा संताप नातलगांनी केला तर दरम्यानचं दुपारी अडीच वाजेच्या सुमारास उपचार सुरू असतांना नेहा पाटील हिचा मृत्यू झाला. तेव्हा कुटुंबीय अधिकचं संतप्त झाले व जोवर गुन्हा दाखल होणार नाही तोवर अंत्यविधी करणार नाही, असा पावित्रा घेतला तेव्हा मयत विवाहितेचा जवाब जळगाव येथून मागवण्याासाठी सहाय्यक पोलिस निरीक्षक सुजित ठाकरे यांनी पोलिस कर्मचारी रवाना केले. मयताच्या नातेवाईकांची समजूत काढल्यावर सावखेडासीम येथे मृत विवाहितेवर अंत्यसंस्कार करण्यात आले. मयताला एक दिड वर्षाचा मुलगा देखील आहे.