सुरेश जैन यांची प्रकृती बिघडली; जे.जे.मध्ये हलविण्याच्या हालचाली !

जळगाव: घरकुल घोटाळ्याप्रकरणी आरोपी असलेले माजी मंत्री सुरेश जैन यांच्या प्रकृतीत आज मंगळवारी 22 रोजी अचानक बिघाड झाल्याने त्यांना मुंबई येथील जे.जे. हॉस्पिटलमध्ये उपचारार्थ हलवण्याच्या हालचाली सुरु आहे. सुरेश जैन यांना घरकुल घोटाळ्यात शिक्षा झाल्याने ते नाशिक येथे कारागृहात आहेत. आज कारागृहात असताना त्याची प्रकुती दुपारी अचानक बिघडल्याने त्यांना मुंबई येथे हलवण्यात आले आहे. त्यांची शुगर वाढल्याने ते बेशुद्ध पडले होते. त्यांना उच्च रक्तदाब, छातीत वेदनेचा त्रास जाणवत होता. त्यांना पुढील उपचारासाठी जे.जे. रुग्णालयात पाठवण्याबाबत हालचाली सुरु असल्याचे समजते.