अंगावर गरम पाणी पडल्याने बालिकेचा मृत्यू

शिरपूर । तालुक्यातील भावेर येथील 4 वर्षीय बालिकेचा अंगावर गरम पाणी पडल्याने धुळे येथील खाजगी रूग्णालयात उपचार सुरू असतांना मृत्यू झाल्याची घटना घडली. दरम्यान याबाबत थाळनेर पोलिस ठाण्यात अकस्मात मृत्यूची नोंद करण्यात आली आहे.

तालुक्यातील भावेर येथील जोया इब्राहीम पटेल ही 4 वर्षीय बालिका 26 फेबु्रवारी रोजी घरात खेळत असतांना घरात चुलीवर एका पातेल्यात गरम पाणी करण्यासाठी ठेवले होते. त्या पातेल्याला तिचा हात लागल्याने ते गरम पाणी अंगावर पडल्याने ती गंभीररित्या भाजली. तिला उपचारासाठी धुळे येथे दाखल केले असता तिचा उपचारा दरम्यान मृत्यू झाला. याबाबत इमाम काळू पटेल रा.भावेर यांनी थाळनेर पोलिस ठाण्यात दिलेल्या खबरीवरून अकस्मात मृत्यूची नोंद करण्यात आली आहे.