अंजाळे जवळ ट्रक उलटला; चालक गंभीर

तहसीलदारांसह नागरिकांची मदत
यावल । भुसावळ रस्त्यावरील अंजाळे जवळील मोर नदीच्या पुलावरून ट्रक नदी पात्रात कोसळत चालक गंभीर जखमी झाला आहे. हा अपघात शनीवारी (दि.7) दिड वाजेच्या सुमारास घडला त्यात चालक वाहनातचं अडकला होता तहसीलदार कुंदन हिरे यांनी स्वत:हा रस्त्यावर थांबत नागरीकांच्या मदतीने रस्ता मोकळा करीत चालकास वाहनातुन काढण्यासाठी प्रयत्न केले. यावल कडून भुसावळकडे फरशी व स्टाइल घेवुन ट्रक (एम.एच. 14 ए.वाय. 9297) हा जात होता दरम्यान दुपारी दीड वाजेच्या सुमारास अंजाळे (ता. यावल) गावा जवळील मोर नदीच्या पात्रावरील पुलावरून जातांना वळणाचा अंदाज न आल्याने थेट ट्रक नदीपात्रात कोसळला त्यात चालक हबीब शेख रा. उदगीर जि.लातुर हा वाहनातचं गंभीर जखमी अवस्थेत अडकला आहे तर या मार्गावरून तहसीलदार कुंदन हिरे हे शासकिय वाहनाने जळगाव कडे जात होते. अपघात पाहुन त्यांनी घटनास्थळी अंजाळे येथील कैलास सपकाळे, उपसरपंच धनराज सपकाळे, ग्रामपंचायत सदस्य योगेश साळुंके आदी नागरीकांच्या मदतीने आधी रस्ता मोकळा केला व जखमींस ट्रक मधुन काढण्याचे शर्तीचे प्रयत्न सुरू असुन 108 वाहना जखमी करीता बोलावण्यात आले आहे.