अज्ञात वाहनाच्या धडकेत महिला ठार

बोदवड – जामनेर-बोदवड रोडवर पहाटे फिरायला जाणाऱ्या 60 वर्षीय महिलेला अज्ञात वाहनाने दिलेल्या जोरदार धडक दिल्याने जागीच ठार झाल्याची घटना 8 सप्टेंबर रोजी पहाटे 4.30 वाजेच्या सुमारास घडली होती. याप्रकरणी बोदवड पोलीसात अज्ञात चालकाविरोधात गुन्हा दाखल करण्यात आला आहे. पोलीसांकडून मिळालेली माहिती अशी की, सुलोचनाबाई रामभाऊ पाटील (वय-60) रा. मनुर बु|| ता.बोदवड जि.जळगाव ह्या 8 सप्टेंबर 2018 रोजी सकाळी 4.30 वाजेच्या सुमारास जामनेर- बोदवड रोडवरील गौरक्षण संस्थेसमोरून जात असतांना समोरून भरधाव वेगाने येणाऱ्या अज्ञात वाहनाने धडक दिल्याने त्यांचा जागीच मृत्यू झाला. याप्रकरणी सहाय्यक फौजदार दिनकर धायडे यांच्या फिर्यादीवरून बोदवड पोलीसात आज्ञात वाहनचालकाविरोधात गुन्हा दाखल करण्यात आला आहे.