अत्याचारप्रकरणी एकाला पोलिस कोठडी

जळगाव। अल्पवयीन मुलीला पळवून नेवून अत्याचार केल्याप्रकरणी जिल्हा पेठ पोलिसांनी संशयित तरूणाला अटक केली असून त्याला आज मंगळवारी न्यायाधीश के.बी.अग्रवाल यांच्या न्यायालयात हजर केले असता त्याला 9 जुनपर्यंत पोलिस कोठडी सुनावली आहे.

नितीन संतोष महाजन (वय-24 रा.वंजारीखपाट ता. धरणगांव) या तरूणाने 15 मे 2017 रोजी पंधरा वर्षीय अल्पवयीन मुलीस पळवून नेवून तिच्यावर अत्याचार केले. याप्रकरणी जिल्हा पेठ पोलिस ठाण्यात तरूणाविरूध्द गुन्हा दाखल करण्यात आला होता. दरम्यान, जिल्हा पेठ पोलिसांनी अत्याचार प्रकरणी संशयित तरूण नितीन महाजन याला अटक केली आहे. तर आज मंगळवारी त्याला न्यायाधीश के.बी.अग्रवाल यांच्या न्यायालयात हजर करण्यात आले असून 9 जूनपर्यंत पोलिस कोठडी सुनावली. याप्रकरणी सरकारपक्षातर्फे अ‍ॅड. केतन ढाके यांनी कामकाज पाहिले.