अथर्वशीर्ष पठणानिमित्त वाहतुकीत बदल

पुणे । श्रीमंत दगडूशेठ हलवाई गणपती मंडळासमोर शनिवारी (दि. 26) पहाटे 5 पासून अथर्वशीर्ष पठणाचा कार्यक्रम होणार आहे. या कार्यक्रमामध्ये हजारो भाविक सहभागी होणार आहेत. या दरम्यान होणारी वाहतूक कोंडी टाळण्यासाठी वाहतूक व्यवस्थेत बदल करण्यात आले आहेत. कार्यक्रम होईपर्यंत हे बदल करण्यात आले आहेत. साधारण सकाळी 9 वाजेपर्यंत हे बदल असतील.

शिवाजीरोड : जिजामाता चौक ते रामेश्‍वर मंदिर चौक
गाडगीळ पुतळा-जिजामाता चौक डावीकडे वळून गणेश रोडने फडके हौद चौक, देवजीबाबा चौक उजवीकडे वळून हमजेखान चौक सरळ महाराणा प्रताप मार्गावरुन गोविंद हलवाई चौकातून उजवीकडे वळून गोटीराम भैय्या चौकातून डावीकडे वळून शिवाजीरोडने स्वारगेटकडे जावे.

अप्पा बळवंत चौक ते बुधवार चौक
अप्पा बळवंत चौकातून डावीकडे वळून बाजीराव रस्त्याने फुटका बुरुज मार्गे गाडगीळ पुतळा चौक उजवीकडे वळून जिजामाता चौकामार्गे इच्छितस्थळी जावे. तसेच लक्ष्मी स्त्यावर विजय मारुती चौक/सोन्या मारुती चौकापासून आवश्यकतेनुसार वाहतूक वळवली जाईल. यासाठी पर्यायी मार्ग म्हणून सोन्या मारुती चौकातून डावीकडे वळून सुभानशाह दर्ग्याच्या उजवीकडे वळून गोटीराम भैय्या चौक मंडईमार्गे शनिपार चौकातून इच्छितस्थळी जावे.