अधिकृत शिक्कामोर्तब: उदयनराजे उद्या करणार भाजपात प्रवेश !

नवी दिल्ली: गेल्या काही दिवसांपासून राष्ट्रवादीचे खासदार उदयनराजे भोसले हे भाजपात प्रवेश करणार असल्याची चर्चा होती. अखेर ही चर्चा खरी ठरली असून स्वत: उदयनराजे भोसले यांनी अधिकृतपणे आपण भाजपा पक्षात प्रवेश करत असल्याचे जाहीर केले आहे. ट्विटरवरून उदयनराजे भोसले यांनी पंतप्रधान नरेंद्र मोदी, केंद्रीय गृहमंत्री अमित शाह, केंद्रीय रस्ते विकास मंत्री नितीन गडकरी यांच्या उपस्थितीत आपण उद्या भाजपा पक्षात प्रवेश करत असल्याचे जाहीर केले आहे. यामुळे उदयनराजे भोसले यांच्या भाजपा प्रवेशावर अधिकृतपणे शिक्कामोर्तब झाले आहे.

ट्विटरवर पोस्टमध्ये त्यांनी “आजपर्यंत आपण सर्वांनी दिलेल्या प्रेमाच्या व आशीर्वादाच्या जोरावर समाजकार्य करण्याची प्रेरणा मिळत राहिली. अपेक्षा आहे आपले हेच प्रेम व आशीर्वाद अविरत माझ्या पाठीशी राहील”,

गुरुवारी सकाळी राष्ट्रवादी काँग्रेस अध्यक्ष शरद पवार यांनी पुण्यात उदयनराजे भोसले यांची भेट घेतली होती. यावेळी विधानपरिषद विरोधी पक्षनेते धनंजय मुंडे यांची देखील उपस्थिती होती. बैठकीत उदयनराजे यांचं मन वळवण्यात शरद पवारांना यश आलं आहे असं बोललं जात होतं. पण भाजपा प्रदेशाध्यक्ष चंद्रकांत पाटील यांनी मी आणि मुख्यमंत्री उदयनराजेंच्या संपर्कात असून ते भाजपात येतील याबद्दल आशावादी असल्याचं सांगितलं होतं. यामुळे नेमकं काय होणार याबाबत तर्क वितर्क लढवले जात होते. पण अखेर चर्चेला पूर्णविराम मिळाला असून शनिवारी