अनुदानित २.७१ तर विनाअनुदानित सिलेंडर ५५ रुपयांनी महागले

नवी दिल्ली-रुपयाची घसरण आणि आंतराराष्ट्रीय बाजारात गॅसच्या मूळ किमतीतील कराच्या प्रभावामुळे अनुदानित सिलेंडर महागले आहे. अनुदानित गॅस सिलेंडरच्या किमतीत २.७१ रुपयांनी तर विनानुदानित गॅससिलेंडरच्या किमतीत ५५.५० रुपयांची वाढ झाली आहे. मध्यरात्रीपासून नवे दर लागू झाले आहेत. दिल्लीत अनुदानित सिलेंडरची वाढलेली किंमत ४९३.५५ रुपये झाली आहे. इंडिअन ऑइल कॉर्पोरेशनने ही माहिती दिली. तेल कंपन्या प्रत्येक महिन्याच्या पहिल्या तारखेला दरांमध्ये बदल करतात आणि या किंमती सरासरी बेंचमार्क किंमत आणि परदेशी व्यवहारांवर अवलंबून असतात. जीएसटीतील दरात बदल केल्यामुळे घरगुती विनानुदानित सिलेंडरच्या किंमतीत वाढ झाल्याचे आयओसीने सांगितले आहे.