अनुसूचित जमातीच्या विद्यार्थ्यांसाठी शासकीय वसतीगृह योजना

नंदुरबार । राज्यात विभागीय, जिल्हा तालुका व ग्रामीण स्तरावर अनुसूचित जमातीच्या विद्यार्थ्यांना उच्च शिक्षण घेण्यासाठी आदिवासी विकास विभागांव्दारे शासकीय वसतीगृह योजना कार्यान्वीत आहे. तसेच विभागीय व जिल्हा स्तरावर इयत्ता 12 वी नंतर पुढे उच्च शिक्षण घेण्यासाठी शासकीय वसतीगृहात प्रवेश न मिळालेल्या अनुसूचित जमातीच्या विद्यार्थ्यांसाठी पंडित दीनदयाल उपाध्याय स्वयम योजना सन 2016-17 या शैक्षणिक वर्षापासून आदिवासी विकास विभागाने लागू केली असल्याची माहिती प्रकल्प अधिकारी यांनी दिली.

शासकीय वसतीगृहात प्रवेशासाठी अर्ज नोंदणी
ऑनलाईन प्रणालीव्दारे विभागांतर्गत शासकीय वसतीगृहात प्रवेशासाठी अर्ज नोंदणी केलेल्या नवीन व जुने प्रवेशार्थीनी आवश्यक कागदपत्र ऑनलाईन अपलोड करून संबधीत वसतीगृहाचे गृहपाल यांचेकडे ऑनलाईन अर्ज सादर करावयाचे आहे. स्वयम योजनेसाठी नवीन व जुने प्रवेशार्थीनी त्या-त्या अभ्यासक्रमाचे निकाल लागल्यापासून 1 (एक) महिन्याचे आत वर नमुद संकेतस्थळाव्दारे ऑनलाईन अर्ज नोंदणी करून आवश्यक कागदपत्र अपलोड करून अर्ज सबंधीत महाविद्यालयाकडे सादर करावयाचे आहे.

कोणत्याही एक योजनेची निवड
2017-18 या शैक्षणिक वर्षात विभागीय व जिल्हा स्तरावर इयत्ता 12 वी नंतर पुढे शिक्षण घेणार्‍या अनुसूचित जमातीच्या विद्यार्थी / विद्यार्थीनींनी शासकीय वसतीगृह, अथवा पंडित दीनदयाल उपाध्याय स्वयंम योजना यापैकी कोणत्याही एक योजनेची करून त्या-त्या अभ्यासक्रमाचे निकाल लागल्यापासून 1(एक) महिन्याचे आत संकेत स्थळाव्दारे ऑनलाईन अर्ज नोंदणी करावयाची आहे. विभागीय व जिल्हा स्तरावर इयत्ता 11 वी व 12 वी चे शिक्षण घेणार्‍या विद्यार्थ्यांनी तसेच तालुका व ग्रामीण स्तरावर इयत्ता 8 वी पासून पुढे शिक्षण घेणार्‍या नवीन व जुने प्रवेशार्थींनी शासकीय वसतीगृह प्रवेशासाठी वर नमुद संकेत स्थळाव्दारे ऑनलाईन अर्ज नोंदणी करावयाची आहे.

नोंदणीसाठी मार्गदर्शक सुचना संकेतस्थळावर
अर्ज नोंदणीसाठी मार्गदर्शक सुचना (युझर मॅन्युवल) वर नमूद संकेतस्थळावर उपलब्ध आहे. या योजनांचा लाभ घेण्यासाठी इच्छुक विद्यार्थ्यांनी दिलेल्या संकेतस्थळावर तात्काळ संपर्क साधून ऑनलाईन अर्ज नोंदणी करावी. ऑनलाईन अर्ज नोंदणीस काही अडचणी येत असल्यास त्यासाठी नजीकचे वसतीगृहाचे गृहपाल यांचेकडे संपर्क साधावा, असे आवाहन करण्यात आले आहे