अनोळखी वृध्दाचा उपचारा दरम्यान मृत्यू

जळगाव। सिंधी कॉलनी परिसरात जखमी अवस्थेत सापडलेल्या वृध्दास जिल्हा रूग्णालयात उपचारार्थ दाखल करण्यात आले होते. दरम्यान, त्या वृध्दाचा मंगळवारी सकाळी उपचारा दरम्यान मृत्यू झाला आहे. याप्रकरणी एमआयडीसी पोलिस ठाण्यात अकस्मात मृत्यूची नोंद करण्यात आली आहे.

शहरातील सिंधी कॉलनी परिसरात 8 जुन रोजी सत्तर वर्षीय अनोळखी वृध्द नागरिकांना जखमी अवस्थेत मिळून आला होता. त्यानंतर त्याला नागरिकांनी उपचारार्थ जिल्हा सामान्य रूग्णालयात 8 रोजी उपचारार्थ हलविले होते. परंतू आज मंगळवारी पाचव्या दिवशी त्या वृध्दाचा सकाळी उपचार घेत असताना मृत्यू झाला. याप्रकरणी वैद्यकीय अधिकार्‍यांनी दिलेल्या खबरीवरून एमआयडीसी पोलिस ठाण्यात अकस्मात मृत्यूची नोंद करण्यात आली आहे.