अनोळखी वृध्दाचा मृत्यू,अकस्मात मृत्यूची नोंद

जळगाव । जिल्हा सामान्य रूग्णालयात उपचारार्थ दाखल करण्यात आलेल्या अनोळखी 58 वर्षीय वृध्दाचा आज सकाळी उपचारा दरम्यान मृत्यू झाला. याप्रकरणी शहर पोलिस ठाण्यात अकस्मात मृत्यूची नोंद करण्यात आली आहे.

शहरातील जिल्हा परिषद परिसरात गंभीर दुखापतीने त्रस्त असलेल्या 58 वर्षीय वृध्दाला परिसरातील नागरिकांनी उपचारासाठी 1 मार्च रोजी 108 क्रमांकाची रुग्ण्वाहिका बोलवून जिल्हा सामान्य रुगणालयात उपचारासाठी दाखल केले होते. यावेळी त्या वृध्दावर गेल्या दहा दिवसांपासून उपचार सुरू असताना आज सकाळी त्या वृध्दाची प्राणज्योत मावळली. याबाबत अकस्मात मृत्यूची नोंद करण्यात आली असून पुढील तपास एएसआय उल्हास तर्‍हाटे करीत आहेत.