अन्न वाया घालवू नका; वीरेंद्र साहेवाग यांचे भावनिक आवाहन
मुंबई : टीम इंडियाचा माजी धडाकेबाज खेळाडू वीरेंद्र सेहवाग यांने सोशल मीडियावर एक व्हिडिओ शेअर केला आहे. हा व्हिडिओ पाहिला तर डोळे पाणावतात. सामाजिक विषयांवर सेहवाग नेहमीच ट्विट करीत असतो. समाजातील लोकांनी अन्न वाया घालवू नये किंवा फेकून देऊ नये, असे सांगण्याचा हेतू या व्हिडिओच्या माध्यमातून स्पष्ट केला आहे. सेहवागने एक भावनिक व्हिडीओ ट्वीट केल्यानंतर नेटकऱ्यांच्या प्रतिक्रिया उमटल्या आहेत.
Poverty ! Eating Roti’s of mud mixed with salt in Haiti. Please please don’t waste your food, what you don’t value and take for granted is a huge luxury for some. Please donate extra food to people in need or associations like Roti Bank’s which give it to the needy ???????? pic.twitter.com/gyEJ9kF4Jy
— Virender Sehwag (@virendersehwag) June 20, 2018
हैतीमधील एक व्हिडिओ सेहवागने आपल्या ट्विटर अकाऊंडवर पोस्ट करत उरलेले जेवण टाकून न देण्याचे आवाहन केले आहे. सेहवागने शेअर केलेल्या या व्हिडिओमध्ये हैतीमधील लोक मोठ्या कढाईमध्ये पाणी टाकून माती कालवताना दिसत आहेत. त्यानंतर या मातीला चपातीचा आकार देऊन उन्हामध्ये सुकवताना दिसत आहेत. माती सुकल्यानंतर येथील लोकं फक्त मीठ टाकून ही मातीची चपाती खाताना दिसत आहेत.
तुमचे उरलेले जेवण गरजू लोकांना दान करा किंवा अशा संस्थेला द्या जे गरिबांपर्यंत जेवण पोहोचवतात’, असे कॅप्शन देऊन विरूने हा व्हिडिओ शेअर केला आहे.