अपघातातील जखमी वृध्द महिलेचा मृत्यू

जळगाव । अपघातात जखमी झालेल्या वृध्द महिलेला उपचारार्थ जिल्हा सामान्य रूग्णालयात दाखल करण्यात आले होते. दरम्यान, त्या महिलेचा आज सोमवारी सकाळी 6.45 वाजेच्या सुमारास उपचार घेत असतांना मृत्यू झाला आहे. याप्रकरणी एमआयडीसी पोलिस ठाण्यात अकस्मात मृत्यूची नोंद करण्यात आलेली आहे.

चिंचोली येथील रहिवासी असलेल्या रंजना वासूदेव पाटील (वय-60) या वृध्द महिलेचा अपघात झाला होता. अपघातात त्यांच्या डोक्याला जबर मार लागला असल्याने त्यांना जिल्हा सामान्या रूग्णालयात 31 मे रोजी कुटूंबियांनी उपचारार्थ दाखल केले होते. दरम्यान, आज सोमवारी सकाळी 6.45 वाजेच्या सुमारास बारा दिवसांनंतर रंजना पाटील यांचा उपचार घेत असतांना मृत्यू झाला. मृत्यू झाल्याची माहिती कुटूंबियांना कळताच त्यांनी रूग्णालयात एकच आक्रोश केला. यानंतर सीएमओ भंगाळे यांनी दिलेल्या खबरीवरून एमआयडीसी पोलिस ठाण्यात अकस्मात मृत्यूची नोंद करण्यात आली आहे.