अपघातात दाम्पत्य ठार
पुणे । महिंद्रा पिक-अप आणि दुचाकीच्या समोरासमोर झालेल्या धडकेत दुचाकीवरील पती-पत्नी ठार झाल्याची घटना कात्रज-देहूरोड बाह्यवळण मार्गावरील नर्‍हे गावाजवळ सोमवारी सकाळी 11.30 वाजता घडली. याप्रकरणी पिक-अप चालकावर सिंहगड रोड पोलिस ठाण्यात गुन्हा दाखल करण्यात आला आहे.
हे देखील वाचा
कुंदा सुरेश वरपे (वय 45) आणि तिचे पती सुदाम भिकाजी वरपे (वय 50 रा. वडगाव) यांचा मृत्यू झाला. पिक-अप चालक सैतानसिंग भाटी हा अपघातस्थळी टेम्पो सोडून फरार झाला असून पोलिस त्याचा शोध घेत आहेत. वरपे दाम्पत्य दुचाकीने कात्रज नर्‍हे गावाजवळून जात असताना समोरून भरधाव वेगात आलेल्या पिक-अपने त्यांच्या दुचाकीला जोरदार धडक दिली. घटनास्थळी असलेल्या नागरिकांनी तातडीने दोघांनाही जवळच्या खाजगी रुग्णालयात उपचारासाठी दाखल केले. परंतु उपचारा दरम्यान त्यांचा मृत्यू झाला.