अपघातील ‘त्या’ व्यक्तीचा उपचारादरम्यान मृत्यू

जळगाव – आईला दवाखान्यातून तपासणी करून परत एरंडोलकडे जात असतांना पिंपळकोठ्याजवळ मागून येणाऱ्या भरधाव वेगाने येणाऱ्या कारने जोरदार धडक दिल्याने दुचाकीस्वार जखमी झाल्याची घटना 4 सप्टेंबर रोजी सायंकाळी 5.30 वाजेच्या सुमारास घडली होती. त्या जखमी तरूणास खासगी रूग्णालयात दाखल करण्यात आले होते. शुक्रवारी सकाळी 11 वाजेच्या सुमारास उपचारादरम्यान मृत्यू झाला. नितीन मधुकर शिंपी ( वय-40 ) रा. एरंडोल हे त्यांच्या आईला दवाखान्यात तपासणीसाठी मंगळवारी दवाखान्यात आणले होते. आई मालतीबाई मधुकर शिंपी यांची तपासणी करून एरंडोलकडे दुचाकीने नितीन शिंपी आईसह निघाले.

दरम्यान पिंपळकोठा येथे आल्यानंतर मागून येणाऱ्या भरधाव वेगाने येणारी कार क्रमांक (एमएच 15 जीएल 2355)ने जोरदार धडक दिल्याने ते दुचाकीवरून जमीनवर पडले. यावेळी कार चालकाने माणूसकी दाखवत दुचाकीस्वार नितीन शिंपी यांना जखमी अवस्थेत तातडीने त्याच कारमध्ये बसून शहरातील खासगी रूग्णालयात दाखल केले. दरम्यान 7 सप्टेंबर रोजी सकाळी 11 वाजेच्या सुमारास उपचारादरम्यान त्यांचा मृत्यू झाला असून जिल्हा सामान्य रूग्णालयात शवविच्छेदन करण्यात आले. नितीन शिंपी हे आयटीआय कॉलेजमध्ये होमगार्ड म्हणून कार्यरत होते. त्यांच्या पश्चात आई मालती, पत्नी, दुर्गेश आणि साई असे दोन मुले आहे.