अपात्र का करण्यात येऊ नये यासाठी विद्यमान पाच नगरसेवकांना नोटीस

जळगाव – घरकुल घोटाळ्यात आजी-माजी नगरसेवक पदाधिकार्‍यासह 48 जणांना धुळे विशेष न्यायालयाने शिक्षा सुनावली होती. यात विद्यमान नगरसेवक भगत बालाणी, सदाशिव ढेकळे, दत्तात्रय कोळी, लता भोईटे, कैलास सोनवणे यांचा समावेश आहे. त्यामुळे आपल्याला अपात्र का करण्यात येऊ नये यासंदर्भात बाजू मांडण्यासाठी 17 डिसेंबर रोजी हजर राहण्यासाठी पाचही विद्यमान नगरसेवकांना मनपा आयुक्त डॉ.उदय टेकाळे यांनी कारणे दाखवा नोटीस बजावली आहे.

तत्कालीन जळगाव नपाने राबविलेल्या बहुचर्चित घरकुल घोटाळ्याप्रकरणी धुळे विशेष न्यायालयाने 48 जणांना शिक्षा सुनावली.त्यामुळे विद्यमान नगरसेवक भगत बालाणी, सदाशिव ढेकळे, दत्तात्रय कोळी, लता भोईटे, कैलास सोनवणे यांना अपात्र करण्याची मागणी दीपक गुप्ता यांनी मनपा आयुक्तांसह राज्याच्या मुख्य सचिवांकडे केली.त्यानंतर आयुक्तांनी विधी सल्लागार यांच्याकडून अभिप्राय मागविला.दरम्यान, आपल्याला अपात्र का करण्यात येऊ नये यासंदर्भात बाजू मांडण्यासाठी 17 डिसेंबर रोजी हजर राहवे यासाठी मनपा आयुक्त डॉ.उदय टेकाळे यांनी विद्यमान नगरसेवक तथा भाजपचे गटनेते भगत बालाणी, सदाशिव ढेकळे, दत्तात्रय कोळी, लता भोईटे व स्विकृत नगरसेवक कै लास सोनवणे यांना कारणे दाखवा नोटीस बजावली आहे.