अभिनेत्री उर्मिला मातोंडकर यांनी घेतली शरद पवारांची भेट

मुंबई:अभिनेत्री उर्मिला मातोंडकर यांनी कॉग्रेसमध्ये प्रवेश करून उत्तर मुंबई मतदारसंघातून लोकसभा निवडणूक लढवीत आहे. दरम्यान आज उर्मिला मातोंडकर यांनी राष्ट्रवादी काँग्रेस अध्यक्ष शरद पवार यांची भेट घेतली आहे. लोकसभा निवडणुकीच्या निमित्ताने उर्मिला मातोंडकर अनेकांच्या भेटीगाठी करत आहेत. शरद पवार यांच्या निवासस्थानी उर्मिला मातोंडकर यांनी त्यांची भेट घेतली. दोघांमध्ये जवळपास अर्धा तास चर्चा झाली.

उर्मिला मातोंडकर यांच्या विरोधात युतीचे गोपाळ शेट्टी या जागेवरून निवडणूक लढवत आहेत. २०१४ च्या लोकसभा निवडणुकीत गोपाळ शेट्टी यांनी संजय निरूपम यांचा पराभव केला होता. यावेळी शेट्टी यांच्या विरोधात काँग्रेसने उर्मिला मातोंडकर यांना उमेदवारी दिली आहे. त्यामुळे ही लढत रंगतदार होईल अशी चिन्हे आहेत.