अभिनेत्री प्रिया बेर्डेचा चित्रपटगृहात विनयभंग

मुंबई । मुंबईत दिवसेंदिवस विनयभंगच्या घटना वाढत आहेत. काहीच दिवसांपूर्वी चर्चगेट स्थानकावर अल्पवयीन मुलीचा विनयभंग झाल्याची घटना उघडकीस आली. आता मराठी सिनेसृष्टीतील ज्येष्ठ अभिनेत्री प्रिया बेर्डे यांचा विनयभंग झाल्याचा खळखबजनक प्रकार समोर आला आहे. मीरारोड येथील एका चित्रपटगृहात शनिवारी ही घटना घडली. याप्रकरणी पोलिसांनी आरोपी सुनील जॉनी याला अटक केली आहे. सामान्य महिला, मुलींबरोबर आता सेलिब्रिटींचाही सार्वजनिक ठिकाणी विनयभंग सर्रास केला जात असल्यामुळे महिला सुरक्षतेचा प्रश्‍न पुन्हा एकदा ऐरणीवर आला आहे.

माझी मुलगी गांगरली
सिनेमागृहात गोंधळ घालणारा आणि हे कृत्य करणारा एकच व्यक्ति असल्याचे समजले. आरडाओरड करून त्याला पकडण्याचा प्रयत्न करताच तो धक्का देऊन पळला. नंतर मॉलमधील सुरक्षरक्षकाच्या मदतीने आरोपीला पकडून पोलिसांच्या ताब्यात दिले. या सगळ्या प्रकारामुळे माझ्या मुलीला प्रचंड धक्कगा बसला आहे.’ आरोपी सुनील जॉनी (43) हा बोरीवली रहिवासी असून तो व्यावसायिक असल्याची माहिती मिळाली आहे. काशीमिरा पोलिस स्टेशनमध्ये आरोपीविरोधात गुन्हा दाखल करण्यात आला आहे.

आधी छेडणार्‍या तरुणाच्या थोबाडीत लगावली
मी शनिवारी मुलीसोबत चित्रपट पाहायला गेले होते. आरोपी आणि त्याचे तीन मित्र तिथे उभे होते. ते मद्यधुंद अवस्थेत होते. शो सुरु झाल्यानंतर आरोपींनी गोंधळही घातला. नंतर एक जण चित्रपटगृहात परत आला. माझ्या खुर्चीपासून एक खूर्ची सोडून तो बसला. तो माझ्या कमरेला स्पर्श करत असल्याचे लक्षात आल्याचे जाणवले. त्याचा हात पकडून आधी त्याच्या थोबाडीत लगावली.