अमळनेरातील चौघांवर मोक्कांतर्गत कारवाई

अमळनेर प्रतिनिधी । येथील बाबा बोहरी हत्या प्रकरणातील मुख्य आरोपी कैलास नवघरेसह चारही आरोपींविरुद्ध ममोक्का मअंतर्गत कारवाई करण्यात आली आहे.

न्यू प्लॉट भागातील पेट्रोल पंप मालक बाबा बोहरी यांची ३ मे रोजी घरी परतताना गावठी पिस्तूल मधून गोळी झाडून हत्या करण्यात आली होती. याप्रकरणी स्थानिक गुन्हा अन्वेषण विभाग व स्थानिक पोलिसांच्या मदतीने गांधलीपुरा भागातून तन्वीर शेख मुख्तार, तौफिक शेख मुशिरोद्दीन व मुस्तफा शेख महंमद याना २० मे रोजी अटक करण्यात आली होती. मुख्य आरोपी सराईत गुन्हेगार कैलास रामकृष्ण नवघरे यास २५ रोजी घाटकोपर येथून अटक करण्यात आली होती. अटकेनंतर चारही आरोपी जिल्हा कारागृहात आहेत. या चारही आरोपींविरुद्ध पोलीस निरीक्षक अनिल बडगुजर यांनी ममोक्काफ प्रमाणे कारवाईचा प्रस्ताव विशेष पोलीस महानिरीक्षक शेरिंग डोर्जे यांच्याकडे पाठवला होता. याला दोर्जे यांनी मंजूर केल्यामुळे मोक्कांतर्गत कारवाई करण्यात येणार आहे.